Det blir Sommarles-fest både på Haramsøy og på Eidet slik at ein kan velje kor ein har lyst å delta.
Det blir også trekning av storpremiar og dørpremiar på festane.
Arrangementa er gratis og ope for alle!2
«Bia og honningtjuven»
Ei morosam, søt og engasjerande historie om dei to små biene «Bia» og «Drone».
Gjennom ei spennande og underhaldande forteljing får vi høyre om livet deira i og utanfor bikuben.
Det er travle dagar for «Bia», som er ute heile dagen og samlar nektar og pollen til bifolket heime.
«Drone» trivst derimot best heime i bikuben, der han nyt gode dagar med honning og drøymer om den store dagen då han får vere med dronninga på ein flygetur.
Av og til kjem det andre på vitjing som òg forsyner seg av det som finst i bikuben. Kven kan det vere?
Store og små får oppleve ei framsyning om «Bia og honningtjuven», samstundes som dei lærer litt om livet til biene og kor viktige dei er i samspelet i naturen.
Målet med framsyninga er å formidle kunnskap, inspirasjon og respekt for rolla biene har.